മെൽബൺ: വിക്ടോറിയൻ തിരഞ്ഞെടുപ്പിൽ കോയലിഷൻ വ്യക്തമായ ഭൂരിപക്ഷം നേടുമോ അതോ തൂക്കുമന്ത്രിസഭ രൂപീകരിക്കപ്പെടുമോ എന്നതിൽ ഭിന്നതയുമായി പുതിയ അഭിപ്രായ സർവേ ഫലങ്ങൾ. വിവിധ ഏജൻസികൾ പുറത്തുവിട്ട സർവേകൾ രണ്ട് വ്യത്യസ്ത ചിത്രങ്ങളാണ് സമ്മാനിക്കുന്നത്.
റെഡ്ബ്രിഡ്ജ് പുറത്തുവിട്ട സർവേയിൽ, പ്രിഫറൻസുകൾക്ക് ശേഷം കോയലിഷൻ ലേബർ പാർട്ടിയേക്കാൾ ബഹുദൂരം മുന്നിലെത്തുമെന്നാണ് പ്രവചനം (56–44). അതേസമയം, റോയ് മോർഗൻ സർവേ മുന്നോട്ടുവെക്കുന്നത് തൂക്കുമന്ത്രിസഭയ്ക്കുള്ള സാധ്യതയാണ്. ഇതിൽ ലേബർ പാർട്ടിക്ക് 40 സീറ്റുകളും കോയലിഷന് 31 സീറ്റുകളും ലഭിക്കുമ്പോൾ, വൺ നേഷൻ 11 സീറ്റുകളും ഗ്രീൻസ് 6 സീറ്റുകളും നേടുമെന്ന് കണക്കുകൂട്ടുന്നു; ഇതോടെ പ്രധാന കക്ഷികൾക്കൊന്നും തനിച്ചു കേവല ഭൂരിപക്ഷം ലഭിക്കാത്ത സാഹചര്യമാണ് സൃഷ്ടിക്കപ്പെടുക. ഇരു ഏജൻസികളുടെയും സർവേ ഫലങ്ങൾ ഉയർത്തുന്ന അവകാശവാദങ്ങളും രാഷ്ട്രീയ സാഹചര്യങ്ങളും വിശകലനം ചെയ്യുന്നതാണ് പുതിയ റിപ്പോർട്ട്.
