നഗോയ: ഏഷ്യൻ ഗെയിംസിൽ വനിതകളുടെ 78 കിലോഗ്രാം കുർഷാഷിൽ ഇന്ത്യയുടെ പിൻകി ബൽഹാരയ്ക്ക് വെങ്കലം. സെമിഫൈനലിൽ ദക്ഷിണ കൊറിയയുടെ സുമിൻ മോയോട് 0-5ന് പരാജയപ്പെട്ടതോടെയാണ് പിൻകിക്ക് വെങ്കല മെഡൽ ലഭിച്ചത്.
ക്വാർട്ടർ ഫൈനലിൽ ദക്ഷിണ കൊറിയയുടെ ഗാരം ലിമിനെ 3-0ന് തോൽപ്പിച്ചാണ് പിൻകി സെമിയിലെത്തിയത്. ക്വാർട്ടറിൽ ‘ചല’യിലൂടെയാണ് പിൻകി നിർണായക പോയിന്റ് നേടിയത്. സെമിയിൽ ദക്ഷിണ കൊറിയൻ താരം ‘യോൻബോഷ്’ പോയിന്റ് നേടിയപ്പോൾ പിൻകിക്ക് ‘ഡക്കി’ പെനാൽറ്റി ലഭിച്ചു.
ഏഷ്യൻ ഗെയിംസിലെ പിൻകിയുടെ രണ്ടാം മെഡലാണിത്. 2018ലെ ജക്കാർത്ത ഏഷ്യൻ ഗെയിംസിൽ വനിതകളുടെ 52 കിലോഗ്രാം വിഭാഗത്തിൽ പിൻകി വെള്ളി നേടിയിരുന്നു. കുർഷാഷ് ഏഷ്യൻ ഗെയിംസ് ഇനമായി അരങ്ങേറ്റം കുറിച്ച വർഷവുമായിരുന്നു 2018.
2026 ഏഷ്യൻ ഗെയിംസിൽ കുർഷാഷിൽ ഇന്ത്യ നേടുന്ന മൂന്നാമത്തെ മെഡലാണ് പിൻകിയുടെ വെങ്കലം.
