നെയ്റോബി: കെനിയയിൽ ഹെലികോപ്റ്റർ തകർന്നുവീണ് ആറ് പേർ മരിച്ചു. രാജ്യത്തിന്റെ പടിഞ്ഞാറൻ മേഖലയിലെ ബുസിയ കൗണ്ടിയിലാണ് അപകടമുണ്ടായത്.
ബുസിയയിലെ ന്യാംബ്വാ മേഖലയ്ക്ക് സമീപം ഹെലികോപ്റ്റർ തകർന്നുവീഴുകയായിരുന്നു. അപകടത്തിൽ മരിച്ചവരിൽ കെനിയൻ പ്രതിരോധ സേനാംഗങ്ങളും മറ്റ് യാത്രക്കാരും ഉൾപ്പെടുന്നതായി റിപ്പോർട്ടുണ്ട്.
അപകടത്തിന്റെ കാരണം സംബന്ധിച്ച് അധികൃതർ അന്വേഷണം ആരംഭിച്ചു. ഹെലികോപ്റ്റർ എവിടെനിന്ന് എവിടേക്കാണ് പോയിരുന്നതെന്നും അപകടസമയത്തെ മറ്റ് സാഹചര്യങ്ങളും പരിശോധിച്ചുവരികയാണ്.
അപകടത്തെ തുടർന്ന് പ്രദേശത്ത് രക്ഷാപ്രവർത്തനവും പരിശോധനയും നടത്തി. മരിച്ചവരുടെ തിരിച്ചറിയൽ ഉൾപ്പെടെയുള്ള വിവരങ്ങൾ അധികൃതർ പിന്നീട് പുറത്തുവിടുമെന്നാണ് റിപ്പോർട്ട്.
