മെൽബൺ: നാട്ടിലെ ഫുട്ബോൾ മൈതാനങ്ങളിലെ ആവേശവും ആരവവും പുനഃസൃഷ്ടിച്ചുകൊണ്ട് കെ.എം.സി.സി (KMCC) ഓസ്ട്രേലിയ മെൽബൺ ചാപ്റ്റർ സംഘടിപ്പിക്കുന്ന അഞ്ചാമത് സെവൻസ് ഫുട്ബോൾ ടൂർണമെന്റ് ഓഗസ്റ്റ് 15 ശനിയാഴ്ച നടക്കും.
ഓസ്ട്രേലിയയിലെ വിവിധ സംസ്ഥാനങ്ങളിൽ നിന്നുള്ള പ്രമുഖരായ 16 ടീമുകളാണ് ഇത്തവണ ടൂർണമെന്റിൽ ഏറ്റുമുട്ടുന്നത്. നാട്ടിലെ ഫുട്ബോൾ ശൈലിയിലുള്ള വാശിയേറിയ പോരാട്ടങ്ങൾക്കും വിദേശ താരങ്ങളുടെ സാന്നിധ്യത്തിനും ടൂർണമെന്റ് സാക്ഷ്യം വഹിക്കും.
മത്സരത്തോടൊപ്പം നാടൻ രുചികളുടെ വൈവിധ്യവുമായി കെ.എം.സി.സിയുടെ പ്രത്യേക ‘തട്ടുകട’ സജ്ജമാക്കിയിട്ടുണ്ടെന്ന് സംഘാടകർ അറിയിച്ചു. കരോലിൻ സ്പ്രിംഗ്സ് ബ്ലൂവാർഡിലുള്ള ബ്രൂക്ക്സൈഡ് റീക്രിയേഷൻ റിസർവിലാണ് (Brookside Recreation Reserve) മത്സരങ്ങൾ അരങ്ങേറുന്നത്. ആവേശകരമായ ഫുട്ബോൾ വിരുന്നും നാടൻ ഭക്ഷണത്തിന്റെ രുചിയും ആസ്വദിക്കാൻ മുഴുവൻ കായികപ്രേമികളെയും സ്വാഗതം ചെയ്യുന്നതായി സംഘാടകർ വ്യക്തമാക്കി.
